Тез орада Белоруссия ҳудудидаги Россия қўшинларининг умумий сони 20-22 минг ҳарбий хизматчига етиши мумкин, дея ёзиб қолдирган харбий эксперт Константин Машовец.
Ҳозир бу кўрсаткич 10,5 минг ҳарбий хизматчини ташкил этади. Мутахассиснинг сўзларига кўра, Россия-Беларус қўшма “жанговар тайёргарлик марказлари”даги жангчилар сони интенсив кўпайтирилмоқда, бу ерда ҳам Россия, ҳам Беларус қўшинларининг фаол жанговар тайёргарлиги жараёни йўлга қўйилади.
Машовец, шунингдек, жанговар кучининг интенсив ҳаракати қурол ва ҳарбий техникани узатиш тезлигидан сезиларли даражада юқори тезликда кетаётганини таъкидлаган. Аммо, унинг сўзларига кўра, бу фаол ҳарбий ҳаракатларни жойлаштириш учун етарли эмас.
3 декабрь куни Россия мудофаа вазири Сергей Шойгу Александр Лукашенко ва Беларус мудофаа вазири Виктор Хренин билан музокаралар ўтказиш учун Беларусга келгани хабар қилинган эди. Лукашенконинг сўзларига кўра, ҳам беларус, ҳам россиялик “иттифоқ давлати ҳимоячилари” бўлинмаларнинг биргаликдаги машғулотларидан сўнг ҳар қандай тажовуздан ҳимояланишга қодир бўлади.
«Новая газета» Россия қўмондонлигининг Украина ҳудуди ва унинг чегаралари бўйлаб зарба бериш учун Беларусда катта миқдордаги қўшинларни тўплаётгани ҳақида хабар берган. Россия ҳарбийларидан бирининг сўзларига кўра, декабрь ойи ўрталарига қадар бу ерга сафарбар қилинган шахслар юборилади ва бу ердаги машғулотлардан сўнг 300 мингдан ортиқ киши ҳужумга тайёр бўлади.
"Баъзи жойларда барча жиҳоз ва техникалар русларга топширилди. Беларусликлар озиқ-овқат таъминоти билан шуғулланмоқда. Дала лагерлари ташкил этилмоқда”, — деган нашр манбаси. Унинг сўзларига кўра, ҳужум декабрь ойига, «тупроқ музлаб, қотиб қолганда» режалаштирилган. Шу билан бирга, РФ Қуролли Кучлари Бахмут орқали Славянск ва Краматорскгача боришга ҳаракат қилади.
Нашр суҳбатдоши Беларусдан ҳужум режасини ўз жонига қасд қилиш деб атайди: Украина ҳудуди чегарадан кўп километр ичкаригача миналанган, йўллар бузиб ташланган, ўрмонлар ва ботқоқлар, барча йўналишлар Украина артиллерияси томонидан ўққа тутилади.
«Биз минглаб қурбонлар берамиз. Чегара бўйлаб жиддий истеҳкомлар қурилган, эни уч метрли танкга қарши чуқурлар қазилган. Барча йўналишлар Украина артиллерияси томонидан нишонга олинган. Биз Киевга ёки Ковелга етиб боролмаймиз. Бу режа Путинга навбатдаги блицкриг сифатида тиқиштирилаётгани аниқ», - дея ҳисоблайди россиялик ҳарбий.
Москванинг Беларусда етарли миқдордаги қўшинни йиғиб олиш, кейин эса Луцк, Лвов ва Украинанинг ғарбий чегаралари яқинидаги ҳудудларни эгаллаш режалари ҳақида гаплар ёздан бери қўшинлар орасида айланиб юрибди. Газетанинг қайд этишича, бу миш-мишлар Киевга навбатдаги зарба, президент Зеленскийнинг таслим бўлиши ва урушнинг тугаши ҳақидаги сўзлар билан бирга “ўралган” ҳолда келмоқда.
Беларус раҳбариятининг ўзи, Америка урушни ўрганиш институти (ISW) маълумотларига кўра, Украинага ўз ҳарбийларини юборишга домангир эмас. Жуда бўлмаганда, Александр Лукашенко ва Мудофаа вазири Виктор Хренин чегаралардаги провокациялар ва рус ҳарбийларини мамлакатда қолдириш учун НАТОнинг потенциал тажовузидан ҳимояланиш зарурлиги ҳақида баёнотлар бериши мумкин. ISW Беларуснинг Россиянинг Украина билан урушига кириши жуда даргумон эканлигини таъкидламоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
