Қисман сафарбарлик доирасида чақирилган имом Запорожье йўналишидаги илғор позициялардан келган мусулмонларни муқаддас Рамазон ойи келиши билан табриклади.
"Барча мусулмонларни Рамазон билан табриклайман. Ушбу муқаддас ойнинг ҳар бир куни эзгу ишларга, эзгу ниятларга бой бўлсин. Хонадонларингизга тинчлик-хотиржамлик, оилаларингизга файзу барака, яқинлар ва дўстларингизга эзгулик тилаймиз!" - деди имом.
"Барча мусулмон аҳлини кириб келаётган муқаддас Рамазон ойи билан табриклайман. Барчангизга мустаҳкам соғлиқ, ишларингизга омад тилайман. Бизга эса ғалаба ва тезроқ уйга қайтиш насиб этсин", - деди жангчилардан бири.
Мусулмон аскарлар ушбу табрик сўзларини Запорожье вилоятида бўлиб ўтаётган ҳарбий ҳаракатлар ҳудудидан юборишган. Улар Россия ва Бошқирдистон байроқлари ёнида туриб сўзлашган.
Маълумот учун, Ўзбекистонда бу йил Рамазон ойи 23 март кунидан бошланган эди. 2023 йилги Рамазон тақвими билан батафсил қуйида танишиш мумкин.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
