Ҳамза Юсуф Шотландиянинг биринчи мусулмон раҳбари бўлади

1 дақиқа ўқиш382
Ҳамза Юсуф Шотландиянинг биринчи мусулмон раҳбари бўлади
Фото: Reuters

Шотландия миллатчилари партияси (ШМП) 27 март куни Ҳамза Юсуфни партиянинг навбатдаги раҳбари этиб танладилар. 37 ёшли мусулмон ҳукмрон ШМП етакчиси сифатида Никола Стёржен ўрнини эгаллайди ва ярим автоном ҳукумат раҳбари бўлади. Бу ҳақда Al Arabiya хабар берди.

Юсуф Шотландиянинг Англия билан 300 йиллик иттифоқига барҳам бериш асосий мақсади бўлган партияни бошқаради.

Юсуф биринчи турда ШМП аъзоларининг 24 336 овозини тўплади, унинг асосий рақиби, Шотландия молия вазири Кейт Форбс 20 559 овоз билан иккинчи ўринни эгаллади. Эш Риган 5599 овоз билан учинчи бўлди.

Энди Юсуф мамлакат парламентида овоз бериш жараёнида ғалаба қозонса, чоршанба куни Шотландия раҳбари сифатида қасамёд қилади.

Юсуф — Шотландия мустақиллиги тарафдори. Унинг отаси покистонлик, онаси эса кениялик, ўзи Глазгода туғилган.

Англия, Шотландия, Уэльс ва Шимолий Ирландияни ўз ичига олган Бирлашган Қиролликнинг 68 миллионлик умумий аҳолисидан тахминан 5,5 миллионини шотландлар ташкил қилади. Мамлакат 1999 йилдан бошлаб ўз парламенти ва ҳукуматига эга.

Шотландия мустақиллиги бўйича биринчи референдум 2014 йилда ўтказилди. Унда минтақада яшовчи фуқаролардан «Мамлакат мустақил бўлиши керакми?» деган саволга жавоб бериш сўралган эди. Якуний натижаларга кўра, овоз берганларнинг 55,3 фоизи ажралиб чиқишга қарши бўлди, 44,7 фоизи эса мустақилликни ёқлади.

2022 йил ноябрь ойида Буюк Британия Олий суди Британия парламенти розилигисиз Шотландия иккинчи марта мустақиллик референдумини ўтказа олмаслиги ҳақида қарор чиқарди.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?