Дунёдаги энг бой араб шайхининг рафиқаси қандай кўринишга эга? (фото)

Дунёдаги энг бадавлат инсонлардан бирининг рафиқасини кўз олдингизга келтиринг. Хаёлингизга қимматбаҳо либослар кийган, тилла ва олмос тақинчоқлар кийган, фақат бойликка қизиқадиган аёл келди, тўғрими? Бироқ бу фикр ҳар доим ҳам тўғри бўлавермайди. Масалан, дунёдаги энг бой араб шайхининг рафиқаси, гўзал, хайриячи ва инсон ҳуқуқлари ҳимоячиси малика Амир ал-Тавил шу каби аёллардан бири ҳисобланади.

Малика Амира 1983 йилнинг 15 ноябрь санасида Саудия Арабистонининг Ар-Риёд шаҳрида туғилган. У шу ердаги мактабни тугатганидан кейин Швейцария ва АҚШда ўқишини давом эттирди ва илмий даражани қўлга киритди.

Шарқ гўзали ўзининг нафис ва замонавий услуби билан машҳур ва ҳар бир образи билан мухлисларни ҳайратда қолдиради. У тез-тез анъанавий Саудия кийимлари – абая ва ҳижоб кияди, бироқ барибир ғарб модасини афзал кўради. Малика кийиниш борасида маблағ ҳақида ўйламайди, шу сабабли у истаса Chanel, Dolchе & Gabbana’ни афзал кўриши, H&М, Zarа брендининг либосларини кийиши мумкин.

Бундан ташқари, Амира маҳаллий брендларнинг либосларини ҳам кийиб туради ва уларни қўллаб-қувватлаш учун қўлидан келганича ҳаракат қилади. Касбий фазилатларига келсак, малика инсон ҳуқуқларини, айниқса, она юртида аёллар ҳуқуқларини жонкуярлик билан ҳимоя қилади. У аёллар ва ёшлар ҳуқуқларини ҳимоя қилиш, шунингдек, табиий офатлар оқибатларини бартараф этишга кўмаклашувчи жамғарма асосчиси ва бош котиби ҳисобланади.

Малика Амира 2008 йилда шаҳзода Ал-Валид бин Талал билан турмуш қурган. Жуфтликнинг тўй маросимида дунёнинг турли бурчакларидан кўплаб меҳмонлар иштирок этди ва ҳар бир сония Forbes рўйхатига киритилди. Уларнинг севги ҳикояси 2000 йилларда бизнес учрашувида бошланган. Ёшдаги сезиларли фарққа қарамай, жуфтлик бир-бирига кўнгил қўйди ва орадан олти йил ўтиб муносабатларни қонунийлаштирди. Бу никоҳ турли муҳокамаларга сабаб бўлди ва кўпчилик уларнинг ажрашиб кетиши ҳақида гапирди. Бироқ севишганлар ўзаро ҳурмат ва бир-бирига бўлган муҳаббати ҳақида очиқ гапирди.

Амира ал-Тавил Саудия Арабистони жамиятида ўзининг самимийлиги ва нафосати билан танилган ҳурматли шахс. Бу қизнинг ҳаёти осон эмас, чунки унинг елкасида юз минглаб инсонларнинг масъулиятли юки бор, шу билан бирга у ўз мақомига ва турмуш ўртоғининг обрўсига мос келиши керак. Малика жамоатчиликнинг ҳурматига сазовор бўлган. Амира ўзи севган иш билан шуғулланади ва инсонларга ёрдам беради.

Янгиликлар