Жанубий Африка Республикасининг ғарбий қисмига Антарктидадан совуқ ҳаво массалари келиши билан Африка жанубида қор ёғди. Бу ҳақда Al Jazeera хабар берди.
Маълум қилинишича, Ғарбий Кейп провинциясининг турли ҳудудларида 10 соатдан давомида қор ёғмоқда. 2023 йил аввалгиларидан фарқли ўлароқ, нафақат тоғли ҳудудларда, балки вилоятнинг кўплаб шаҳар ва туманларида қор ёғди. Йўлларни муз қоплади, расмийлар ҳайдовчиларни ўта эҳтиёткор бўлишга чақирган.
Йоханнесбург ва Преторияда ҳаво ҳарорати нол даражадан пастга тушган. Метеорология хизмати яқин соатларда мамлакат жануби-шарқидаги КваЗулу-Натал провинциясида қор ёғиши кутилиши ҳақида огоҳлантирган.
Жанубий Африка Республикаси жанубий яримшарда жойлашган бўлиб, у ерда қиш июль ойининг ўрталарида энг юқори даражага етади. Ҳозирги совуқ Африка жанубига Антарктидадан келган.
“Биз охирги марта бундай об-ҳавони 2012 йилда кўрган эдик”, — дейди ЖАР метеорология хизматининг катта синоптикчиси Пуселецо Мофокенг.
