Беларусда 11 та сиёсий партия бутунлай тугатиб юборилди

^{Фото: MFA Russia/Global Look Press.}

Беларусда 15 та сиёсий партиядан фақат 4 таси қайта рўйхатдан ўтиш жараёнидан ўта олди. Қолган барча партиялар тугатилди, деб хабар беради «РИА Новости».

Маълум бўлишича, ҳозирда «Белая Рус», Беларус Коммунистик партияси, Беларус Либерал-демократик партияси, шунингдек, Республика Меҳнат ва Адолат партияси расман республикада қолди ва ишлашда давом этади.

Аввалроқ 15 октябрь куни Беларус президенти Александр Лукашенко россиялик ҳамкасби Владимир Путин билан Қирғизистон пойтахти Бишкек шаҳрида учрашиши ҳақида хабар берилганди.