Венгрия ҳукмрон партияси Украинанинг ЕИга қабул қилинишига қарши чиқди

1 дақиқа ўқиш206
Венгрия ҳукмрон партияси Украинанинг ЕИга қабул қилинишига қарши чиқди
Фото: John Thys/AP Photo/picture alliance

Венгриядаги ҳукмрон партия «ФИДЕС - Венгрия фуқаролик иттифоқи» Европа Иттифоқи ва Украина ўртасида уни ЕИга қабул қилиш бўйича музокаралар бошланишига қарши чиқди. 6 декабр, чоршанба куни Будапештда парламентга тақдим этилган резолюция лойиҳасида Венгрия бош вазири Виктор Орбан келаси ҳафта бўлиб ўтадиган ЕИ саммитида ижобий қарорга қарши чиқиши кераклиги айтилган.

ФИДЕСга кўра, Европа комиссиясининг (ЕК) Украина билан музокараларни бошлаш таклифи пухта ўйлаб кўрилмаган. Европа Иттифоқига аъзо 27 давлат раҳбарлари орасида Венгрия Украинани Европа Иттифоқига қабул қилиш бўйича музокараларни бошлаш қарорига тўсқинлик қилиши мумкинлигидан хавотир кучаймоқда.

Виктор Орбан ноябр ойида Киев билан музокараларни бошлаш тўғрисида қарор қабул қилинишига йўл қўймаслик ниятида экани ҳақида огоҳлантирган эди. Ижобий қарор эса Европа Иттифоқининг барча 27 давлати давлат ва ҳукумат раҳбарлари томонидан бир овоздан қабул қилиниши керак.

Виктор Орбаннинг эътирозлари

Европа дипломатлари Орбаннинг позициясини бир қанча сабаблар билан изоҳлаяпти. Биринчидан, Венгрия бош вазири, Европа Иттифоқи бошқа давлатларидан фарқли ўлароқ, ўз мамлакати энергия таъминотида катта қарам бўлиб қолаётган Россия билан яқин алоқада. Иккинчидан, Венгрия Будапештдаги ўнг консерватив ҳукуматнинг бир қатор соҳаларда, шу жумладан адлия соҳасида қонунбузарликлари туфайли Европа комиссияси томонидан блокланган кўп миллиардлик субсидияларни тўлашга эришиш учун Европа Иттифоқига босимни кучайтирмоқчи.

Орбан, шунингдек, Еврокомиссия Украинанинг қабул қилиниши Европа Иттифоқи учун қандай оқибатларга олиб келиши мумкинлигини батафсил таҳлил қилмаганига ҳам ишора қиляпти. Гап юзага келиши мумкин бўлган молиявий оқибатлар ҳақида бормоқда.

Агар Украина Европа Иттифоқига қабул қилинса, Шарқий Европанинг кўплаб давлатларига Брюсселдан бериладиган молиявий ёрдам қисқариши мумкин.

Германия канцлери Олаф Шолц Германия Европа комиссиясининг Украина билан Европа Иттифоқига аъзолик музокараларини бошлаш тавсиясини қўллаб-қувватлашини очиқ айтди.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?