Доналд Трамп ва Жо Байден / Фото: Reuters
АҚШ президенти Жо Байденнинг сайловолди штаби республикачи номзод Доналд Трампни биринчи дебат олдидан турли штатларда обрўсизлантириш учун 50 миллион доллар сарфламоқчи. Бу ҳақда Reuters ёзди.
Қайд қилинишича, бу Байденнинг сиёсий стратеглари бошламоқчи бўлган Трампга қарши реклама кампаниясининг нархи.
Агентлик маълумотларига кўра, 17 июндан бошлаб Байденнинг штаб-квартираси 30 сониялик видеороликни турли штатларда тақдим этишни режалаштирмоқда. Асосий мақсад «икки номзод ўртасидаги қарама-қаршиликни» кўрсатишдир.
«Бу сайлов фақат ўзи учун курашаётган, судланган жиноятчи билан оилангиз учун курашаётган президент ўртасида бўлиб ўтади», деб видеодан иқтибос келтирди агентлик.
2024 йил 30 май куни Ню-Йоркдаги ҳакамлар ҳайъати Трампни собиқ порно актриса Сторми Дэниелсга пул тўлаган пайтида молиявий ҳужжатларни сохталаштиришда айбдор деб топди. Собиқ президент барча 34 та банд бўйича айбдор деб топилди. Ҳукм 2024 йил 11 июлига, Республикачилар миллий қурултойига тўрт кун қолганида эълон қилинади.
Reuters агентлиги Трампнинг қамоқ жазосига ҳукм қилиниши эҳтимолини даргумон деб баҳолади, чунки сиёсатчи биринчи марта зўравонликсиз жинояти учун жиноий жавобгарликка тортилмоқда. Бундан ташқари, Америка Конституциясида президентликка номзодлар учун жиноий ишлар бўйича чекловлар белгиланмаган. Шундай экан, Трамп, ҳатто судланган тақдирда ҳам, президентликка номзодини қўйиши ва уни эгаллаши мумкин.
2024 йил 5 ноябрда Қўшма Штатларда президентлик сайлови бўлиб ўтади. Номзодлар - демократ Байден ва республикачи Трамп. Биринчи президентлик дебати 2024 йил 27 июн кунига белгиланган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Лионель Месси: "Мендаги бу характер фарзандларимга хам ўтган"
Нима учун жисмоний машқлар ва уқалаш бел оғриғидан халос этмайди?
Олимлар Альцгеймер касаллигида хотира ёмонлашишини тўхтатиш усулини топди
BRICS ўйинлари. Ўзбекистон делегацияси умумжамоа ҳисобида 4-ўринни эгаллади
Доғистондаги қуролли ҳужум ҳақида нималар маълум?
Исроил Фаластин давлатини тан олганларга санкция қўлламоқчи
Япония ўз муваффақияти қурбонига айланди: «Бошоғриқ сайёҳлар»
Ҳалима Ибрагимова ошқозонини кестирганидан сўнг ҳам 150 кило вазнини сақлаб қолгани ҳақида гапирди
