Курск вилоятида темир-бетон бошпаналар ўрнатиш бошланди

^{Фото: Telegram / @gubernator_46}
Россиянинг Курск вилоятида хавфсизлик чоралари доирасида темир-бетон бошпаналар ўрнатила бошланди. Бу ҳақда вилоят губернатори вазифасини бажарувчи Алексей Смирнов хабар берди.

Маълум қилинишича, одамлар гавжум бўладиган жойлар, жумладан, 60 та асосий жамоат транспорти бекатлари бошпаналар жойлаштирилиши учун устувор нуқталар бўлади. Худди шундай чора-тадбирлар 10 та бошпана ўрнатиш режалаштирилган Железногорскда ҳам кўрилмоқда. Мазкур тадбирлар яқин кунларда Курчатовда ҳам амалга оширилади.

Курск мери Игор Кутзак маҳаллий аҳолига агар бошқарув компаниялари бу вазифани уддалай олмаса, бомбапаноҳларни мустақил равишда тартибга солишни таклиф қилганди.

Украина армияси 6 августдан Россиянинг Курск вилоятига ҳужум қилмоқда. Украина президенти Владимир Зеленскийнинг сўнгги маълумотига кўра, мамлакат армияси вилоятдаги 92 та аҳолини пунктини назорат қилмоқда. Украина раҳбари Россиянинг ҳарбий базалари, аэродромлари, логистика ва бошқа ҳарбий объектлари армия учун “тўлиқ адолатли нишонлар” эканини айтган.

“Украиналик жангчилар Курск вилоятининг айрим ҳудудларида ҳимоя операциясини давом эттирмоқда. Бугунги кунда бизнинг кучларимиз 1250 квадрат километрдан ортиқ душман ҳудуди ва 92 та аҳоли пунктини назорат қилмоқда”, деган у. “Замин” янгиликларини “Telegram”да кузатиб боринг