Ван Гогнинг «Кунгабоқарлар»ига шўрва сепган фаоллар озодликдан маҳрум этилди

1 дақиқа ўқиш61
Ван Гогнинг «Кунгабоқарлар»ига шўрва сепган фаоллар озодликдан маҳрум этилди
Фото: AFP
Суд Лондондаги Миллий галереяда Винсент Ван Гогнинг «Кунгабоқарлар» картинасига помидор шўрва сепган Just Stop Oil ҳаракатининг икки фаолига қамоқ жазосини тайинлади, деб хабар беради BBC News.

Қайд этилишича, 23 ёшли Фиби Пламмер икки йил муддатга, 22 ёшли Анне Холланд эса 20 ойга озодликдан маҳрум этилган. Июл ойида суд ҳайъати фаолларни қонунга хилоф равишда зарар етказишда айбдор деб топганди.

Пламмер ва Холланд 2022 йил октябрда, ер қаъридан ёнилғилар қазиб олинишига қарши бўлган Just Stop Oil ҳаракатининг майкаларида «Кунгабоқарлар» картинасига томат шўрвасини сепиб, ўз кафтларини картина остидаги деворга ёпиштирган эди. Полотно ҳимоя ойнаси ортида бўлгани учун унга ҳеч қанақа зарар этмаган. Акция натижасида XVII асрга тегишли, қиймати 10 минг фунт стерлингга тенг Италия роми шикастланган.

Судя Кристофер Хэхир ҳукмни эълон қилар экан, акция доирасида «маданий хазина»га «жиддий зарар етиши ёки ҳатто йўқ қилинган бўлиши» мумкинлигини маълум қилди. «Картинага шикаст етдими ёки йўқ — сизларга барибир. «Кунгабоқарлар» билан бундай иш қилишга ҳаққингиз йўқ эди», — дейди у фаолларга мурожаатида.

Холланд ҳимоясининг айтишича, акциядан олдин фаоллар картина ҳимояланганига ишонч ҳосил қилган. Судда ўз манфаатларини ўзи ҳимоя қилган Пламмернинг таъкидлашича, бу нафақат фаолларга, балки «демократия асосларига» ҳам чиқарилган ҳукмдир.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?