Фридрих Мерц Фото: spiegel.de
ХДИ/ХСИ мухолифат блокидан Германия канцлери лавозимига номзод Фридрих Мерц Германия ҳукуматининг амалдаги раҳбари Олаф Шолцни ўз позицияси билан Россия президенти Владимир Путиннинг Украинадаги урушни давом эттиришига ҳисса қўшганликда айблади. Христиан-демократик иттифоқ раисининг 16 октябр, чоршанба кунги баёноти Шолцнинг Бундестаг депутатлари олдидаги нутқига жавоб бўлди.
«Сизнинг позициянгиз билан боғлиқ ҳолда, сиз Украина ўз ҳаракатларида чекланиб қолган ҳолда Путинга қарши курашишга мажбур бўлганлиги учун ҳам шахсий жавобгарсиз», — дея Мерц сўзларини келтиради dpa агентлиги. «Бу энди давом этиши керак эмас», дея қўшимча қилди у.
Путин «тактик ядро қуролидан фойдаланиш таҳдидлари Ғарбга, жумладан, сизга ҳам жиддий таъсир кўрсатади, деган хаёлга бориши табиий», деди Мерц Шолцга. «Жаноб канцлер, сиз учун ҳам, биз учун ҳам Украинадаги фожиаларга биргаликда чек қўйиш учун Путиндан қўрқишни енгиш вақти келди», — дея таъкидлади мухолифат етакчиси.
ГФР канцлерлигига номзод: Киев учун ғалаба - ҳудудлар назорати
Украинанинг Россияга қарши урушда ғалабаси унинг ҳудуди устидан назоратни қайтариш ва Россия қўшни давлатга ҳужум қилишни тўхтатадиган вазият бўлиши керак. Бу фикрни 29 сентябр куни Bild таблоидига берган интервюсида мухолифатдаги Христиан-демократик иттифоқ/Христиан-социал иттифоқ (ХДИ/ХСИ) блокидан Германия канцлери лавозимига номзод Фридрих Мерц билдирди.
«Украина ҳеч қачон Россияни (ҳарбий жиҳатдан) мағлуб эта олмайди, - деди Мерц. - Аммо мен учун ғалаба унинг ҳудуд устидан суверенитетини қайтариб олиши кераклигини англатади. Биз Россияга ҳарбий куч ишлатиш билан урушни давом эттириш бефойда эканлигини кўриш учун ҳамма нарсани қилишимиз керак».
Мерц, Германия канцлери, Путин олдидаги, Қўрқувни енгиш «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Шавкат Мирзиёев Россия бош прокурори билан учрашув ўтказди
2026 йилда бўлажак мундиалнинг фаворитлари рейтинги тақдим этилди
22 ноябрь куни Cobalt автомобилига шартнома очилиши эълон қилинди
Халқаро жиноят судининг ордери Исроилни нега қўрқитяпти?
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Италия суди Қуддус Исроил пойтахти эмаслиги ҳақида қарор чиқарди
