Ҳиндистон биринчи гипертовушли ракетасини муваффақиятли синовдан ўтказди

^{Фото: Видеодан кадр}
Ҳиндистон ўзининг биринчи узоқ масофали гипертовушли ракетасини муваффақиятли синовдан ўтказди. Ракета Одиша соҳилидаги оролдан учирилди, бу ҳақда Ҳиндистон мудофаа вазири Ражнат Сингх хабар берди.

«Бу тарихий лаҳза ва бу муҳим ютуқ мамлакатимизни шундай муҳим ва илғор ҳарбий технологияларга эга бўлган танланган давлатлар қаторига киритди», деб ёзди Сингх ижтимоий тармоқда.

The @DRDO_India has successfully conducted a flight trial of its long range hypersonic missile on  16th Nov 2024 from Dr APJ Abdul Kalam Island, off-the-coast of Odisha.

Raksha Mantri Shri @rajnathsingh has congratulated DRDO, Armed Forces and the Industry for successful flight… pic.twitter.com/wq7yM2YS9f

— रक्षा मंत्री कार्यालय/ RMO India (@DefenceMinIndia) November 17, 2024

Ракета Ҳиндистоннинг Мудофаа тадқиқотлари ва ишланмалари ташкилоти (DRDO) томонидан ишлаб чиқилган ва ҳар хил турдаги жанговар каллакларни 1500 км масофага етказишга қодир.

Гипертовушли ракета товуш тезлигидан камида беш баравар тез уча оладиган ракетадир. Гипертовушли ракета атмосферанинг зич қатламларида шундай тезликда манёвр қилиш ва бу тезликни бутун парвоз давомида ушлаб туриш қобилияти билан ҳам ажралиб туради.

АҚШ ва Хитой ҳам гипертовушли қуролларни ишлаб чиқариш билан шуғулланади. “Замин” янгиликларини “Facebook”да кузатиб боринг