«Титаник» қаҳрамонига совға қилинган соат 1,5 млн фунт стерлингга сотилди

1 дақиқа ўқиш114
«Титаник» қаҳрамонига совға қилинган соат 1,5 млн фунт стерлингга сотилди
Фото: AP
«Титаник»нинг 700 дан ортиқ йўловчисини қутқарган Британия пароходи капитанига совға қилинган тилла соат аукцион орқали 1,56 миллион фунт стерлингга (1,97 миллион доллар) сотилди, деб хабар беради BBC.

Оғирлиги 18 қирот бўлган Tiffany & Co соати 1912 йилда «Титаник» ҳалокатга учраган вақтида воқеа жойига етиб келган RMS Carpathia йўловчи кемаси капитани Артур Ростронга совға қилинган эди. Соатни америкалик хусусий коллекционер харид қилгани айтилмоқда.

Артур Рострон офат сигналини олганидан кейин Ню-Йоркдан Европага кетаётган RMS Carpathia йўналишини ўзгартирган. У «Титаник» 1912 йил 15 апрел куни Шимолий Атлантикага чўкканидан икки соат ўтиб, воқеа жойига етиб борган.

Соат эса Артурга «Титаник»даги энг бадавлат инсон Жон Жейкоб Асторнинг беваси ҳамда кема айсберг билан тўқнашуви оқибатида ҳалок бўлган икки бизнесменнинг рафиқалари томонидан совға қилинган. Соатнинг орқа томонига қуйидаги ёзув туширилган: «Капитан Ростронга 1912 йил 15 апрелда «Титаник»нинг омон қолган уч йўловчиси —Жон Б. Таер хоним, Жон Жейкоб Астор хоним ва Жорж Д. Уайденер хоним томонидан самимий миннатдорчилик ҳамда ташаккур билан тақдим этилади».

Кимошди уйи маълумотларига кўра, Артур Рострон совғани жаноб Асторнинг рафиқасидан Ню-Йоркдаги Бешинчи авенюда жойлашган оилавий уйида ўтказган тушликда қабул қилиб қолган. «У биринчи навбатда Ростроннинг жасоратига миннатдорчилик учун топширилган, чунки жаноб Ростронсиз ушбу 700 киши омон қолмасди», — дейди аукцион вакили Эндрю Олдриж.

«Титаник»ка боғлиқ бундан олдинги рекорд нархдаги эсдалик буюми апрел ойида — Жон Жейкоб Асторнинг жасадидаги кийим ҳамёнидан топилган тилла соат — 1,175 миллион фунт стерлингга сотилган эди.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?