Фото: Mövenpick Resort Kuredhivaru Maldives
Малдив ороллари ҳукумати бюджетни тўлдириш учун туристлардан ундириладиган солиқни оширишга қарор қилди: гап «яшил» солиқ, туристик йиғим, аэропортда хизмат кўрсатилгани учун йиғим ва туристлик товар ҳамда хизматлар учун солиқлар ҳақида кетмоқда.
Қайд этилишича, 2025 йил 1 январда ҳар бир туристдан меҳмонхона ёки бошқа турар-жой объектида қолганлик учун ундириладиган «яшил» солиқ миқдори икки баробарга ошади. Меҳмон уйлари ва хоналари сони 50 тадан кам меҳмонхоналарда қоладиган сайёҳлар учун кунига 6 доллар, йирик курортларда қолганлар учун эса кунига 12 доллар ундирилади.
2024 йил 1 декабрда бошлаб мамлакатга кириш учун ундириладиган йиғим ҳамда аэропортни ривожлантириш йиғими ҳам оширилади. Энди эконом-классда келадиган йўловчилар олдингидек 30 эмас, балки 50 доллардан тўлайди. Бизнес-класс йўлвочиларидан — 120 доллар, биринчи классдан эса 240 доллар (олдин 90 доллар эди) ундирилади. Бизнес-жет йўловчилари эса қарийб 1000 доллар тўлаши керак бўлади — улар учун ҳар бир йиғим миқдори 120 дан 480 долларгача оширилмоқда.
Хорижга саёҳат қиладиган архипелаг аҳолиси агар эконом-классда учса, йиғимлар ўзгармайди — 12 доллар. Аммо бизнес, биринчи класс ва хусусий самолётлар йўловчилари учун йиғимлар худди чет элликларга белгилангандек ошади.
Туристик товарлар ва хизматлар учун солиқ миқодир 2025 йил 1 июлдан 16 фоиздан 17 фоизга қадар кўтарилади.
«Туристларга солинадиган солиқлар миқдорининг оширилиши ғазнага қўшимча 175 миллион доллар олиб келиши кутилмоқда», — дейилади хабарда.
Таъкидланишича, 2023 йилда Малдив ороллари 1,8 миллион хорижлик туристни қабул қилган. Архипелагнинг туризмдан кўрадиган даромади 3,6 миллиард долларни ташкил этади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Жиззахда Cobalt катта тезликда икки қизчани уриб юборди
