Канадада ҳам йўловчи самолёт муваффақиятсиз қўнишни амалга оширди

Канаданинг Ҳалифакс шаҳри аэропорти йўловчи самолёт билан боғлиқ ҳодиса туфайли вақтинча ёпилган. Хабар қилинишича, гап PAL Airlines авиакомпаниясининг Сент-Жонсдан учиб келган 2259 Air Canada Express рейси ҳақида кетмоқда.

«Барча йўловчилар ва экипаж аъзолари бортдан туширилиб, аэродромдан олиб кетилган», — дейилади хабарда.

Ҳодиса маҳаллий вақт билан 21:30 атрофида (Тошкент вақтида 6:30) рўй берган, шундан кейин мазкур аэропорт «маълум вақтга ёпиқ турган», тахминан икки соат ўтиб учиш-қўниш йўлакларидан бири фаолиятини тиклаган.

CBC News хабарига кўра, самолёт учиш-қўниш йўлагида сирпаниб кетган ва унинг бир қисми ёна бошлаган. Йўловчилардан бири Никки Валентайн телеканалга қўниш чоғида шасси ғилдиракларидан бири ишламай қолганини айтган. «Самолёт 20 даража бурчак остида чапга оға бошлади ва қўнганда биз қаттиқ овозни эшитдик, бу зарба овозига ўхшарди, овоз самолёт қаноти асфалт бўйлаб сирпанишни бошлаган вақтда чиқди, мен эса уни двигател овози деб тахмин қилгандим», — деган аёл.

Валентайннинг сўзларига кўра, шундан кейин самолёт «қаттиқ силкинган» ва чап томонда ёнғин чиққан. Салондан олинган кадрларда чап қанот ёнаётгани кўринган.

Air Canada вакили Питер Фитцпатрик La Presse учун изоҳида самолётда қўнишдан кейин «шасси билан боғлиқ муаммо» юзага келган. Унинг аниқлик киритишича, бортда 73 нафар йўловчи бўлган. Эвакуациядан кейин йўловчилар ва экипаж аъзолари ангарга олиб ўтилган, бу ерда уларни тиббиёт ходимлари кўрикдан ўтказган. Янги Шотландия вилояти Қиролллик отлиқ полицияси маълумотига кўра, бир неча кишида енгил жароҳатлар қайд этилган. “Замин” янгиликларини “Telegram”да кузатиб боринг