КХДР «сосискали шўрва» учун одамларни лагерларга юборишни бошлади

^{Фото: AP}
Шимолий Кореяда келиб чиқиши Жанубий Кореядан бўлган будаэ-жигэ (сосискали шўрва) тайёрлаш тақиқланди. Тақиқни бузганлар меҳнат лагерларига юборилиши мумкин, деб ёзди The Sun шимолий Янган вилоятидаги бозор ишчисига таяниб.

Будаэ-жигэ - Жанубий Кореяда ихтиро қилинган ва жуда машҳур бўлган сосискали, гўштли ва нўхотли аччиқ лағмон. 2017 йилда бу шўрва Шимолий Кореяга кириб борди ва тезда машҳур бўлди.

Бироқ, 2024 йилда Пхенян будаэ-жигэни Жанубий Кореядан келиб чиққанлиги сабабли тайёрлашни тақиқлади. Уни кўчада сотган ёки уйда пиширган ҳар бир киши меҳнат лагерига тушиб қолиш таҳдиди остида қолади.

«Бозорда будаэ-жигэ сотилиши тўхтатилди. Полиция ва бозор маъмурияти шўрвани сотаётганда қўлга тушганлар ёпилишини айтди», деди сотувчи аёл.

Шимолий кореяликлар дунёнинг қолган қисмида рухсат берилган бошқа нарсалар учун ҳам жазоланиши мумкин. Масалан, яқинда расмийлар мамлакатда никоҳдан ажрашиш учун қўлланадиган жазони сезиларли даражада кучайтирган. Жумладан, ажрашиш тўғрисида ариза берилгандан сўнг, эр-хотин 1 ойдан 6 ойгача қамоқ жазосига ҳукм қилинади.

«Мен Кимжонгсук округи халқ судига бордим... у ерда 12 оила ажрашиши тўғрисида қарор қабул қилинди. Ҳукм чиқарилгандан сўнг, улар дарҳол туман меҳнат лагерига ўтказилди», деди ўз исмини ошкор қилишни истамаган Янган вилоятида яшовчи фуқаро.

Аёлнинг айтишича, 2020 йилдан бери ажрашишлар сони тез суръатлар билан ошган. COVID-19 пандемияси бошланиши билан бутун мамлакат қамалга тушди ва кўпчилик оилаларга пул топиш жуда қийин бўлди. Ёмон иқтисодий шароитлар кўплаб никоҳларнинг бузилишига олиб келди. Эр-хотинларнинг ажрашишларига йўл қўймаслик учун ҳукумат ажрашганларни жазолай бошлади. “Замин” янгиликларини “Инстаграм”да кузатиб боринг