Дания ҳукумати, шунингдек, қироллик таркибига кирувчи Фарер ороллари, Гренландия, Арктика ва Шимолий Атлантика минтақасидаги мавжудлигини кучайтириш учун 14,6 миллиард крона (тахминан 1,9 миллиард евро) ажратиш бўйича келишувга эришди. Бу ҳақда 27 январ куни Дания Мудофаа вазирлиги маълум қилди.
Янги кема ва дронлар билан кучайтирилади
Ушбу маблағлар учта янги Арктика кемасини сотиб олишга йўналтирилади. Мазкур кемалар Гренландияда миссияларни амалга ошириш учун вертолёт ва дронларни ташишга мослаштирилган. Шунингдек, узоқ масофадан кузатув учун икки дона замонавий учувчисиз учиш аппарати (дрон) харид қилинади, улар кенгайтирилган тасвирлаш имкониятларига эга бўлади.
Разведка ва хавфсизликни кучайтиришга алоҳида эътибор
Бошқа маблағлар сунъий йўлдош воситалари ва ердан кузатиш ускуналарини такомиллаштириш орқали разведка самарадорлигини оширишга йўналтирилади. Бундан ташқари, минтақадаги аҳолини фавқулодда вазиятларга тайёрлаш бўйича тадбирлар ҳам молиялаштирилади.
Келгуси режалар
Арктика минтақасида мудофаа салоҳиятини янада мустаҳкамлаш мақсадида 2025 йил охирида яна бир шартнома имзоланиши режалаштирилган.
Гренландияга АҚШ қизиқиши
Шунингдек, Financial Times нашрининг 24 январдаги хабарларига кўра, АҚШ президенти Доналд Трамп Дания бош вазири Метте Фредериксен билан телефон суҳбати чоғида Гренландияни қўлга киритиш ниятини жиддий эканини билдирган. Суҳбат 45 дақиқа давом этган ва нашр манбаларига кўра, Трамп музокаралар пайтида ўзини агрессив тутиб, қарама-қарши кайфиятда бўлган.
Фредериксен АҚШ президентига Гренландиянинг Дания қироллиги таркибидаги автоном ҳудуд эканлигини таъкидлаб, оролнинг "сотилмаслиги"ни аниқ тушунтирганини маълум қилган. Суҳбат вақтида, Трамп Даниянинг ҳарбий базалар ва фойдали қазилмалар бўйича ҳамкорлик таклифларига қизиқиш билдирмаган.
Европа Иттифоқи расмийлари FT’га суҳбат ниҳоятда мураккаб ва низоли ўтганини таъкидлашган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
