Time муқовасида Маск: у Вашингтон билан урушни бошладими?

Time журнали SpaceX асосчиси Илон Маскнинг АҚШ президенти столи ортида ўтирган тасвирини ўз муқовасига жойлаштирди.

"Илон Маскнинг Вашингтон билан уруши ичида" сарлавҳали мақолада Маск бошчилигидаги Ҳукумат самарадорлиги департаменти (DOGE) ва унинг АҚШ Халқаро тараққиёт агентлиги (USAID) билан зиддияти ёритилган.

Time нашрининг ёзишича, DOGE аллақачон Рақамли хизматни эгаллаб, федерал кадрлар департаментида ўз таъсир доирасини шакллантирган. Маск эса ҳеч қандай қаршиликка тоқат қилмаслигини кўрсатмоқда.

Журналнинг қайд этишича, Маск ўз ҳаракатлари учун фақат Доналд Трамп олдида жавобгар ва унга "ҳукуматни ўз кун тартибига мослаштириш учун кенг ваколатлар" берилган.

Маскнинг фаолияти Демократик партия вакилларининг жиддий қаршилигига сабаб бўлди. Time нашрига кўра, бу можаро ҳукуматнинг келажагини ва ундаги кучлар мувозанатини белгилаб бериши мумкин.

Эслатиб ўтамиз, 2024 йил ноябрида Доналд Трамп Илон Маскни DOGE раҳбари этиб тайинлаган эди. Ўшанда Трамп DOGE ҳар йили 6,5 миллиард долларлик давлат маблағларининг исроф ва фирибгарлик ҳолатларини бартараф этиши ҳақида баёнот берган эди. “Замин” янгиликларини “Telegram”да кузатиб боринг