АҚШ Ўзбекистон ва бошқа давлатлардаги грантларни бекор қилди

АҚШ Давлат департаменти Молдова, Беларусь, Арманистон ва Ўзбекистон каби мамлакатлардаги ОАВ, хилма-хиллик, тенглик ва инклюзивлик соҳаларидаги 139 та хорижий грантни бекор қилди, деб dw.com xabar berdi.

Бекор қилинган грантларнинг умумий қиймати 214 миллион долларни ташкил этади. АҚШ давлат котиби Марко Рубио ушбу қарорни 15 апрел куни тасдиқлаган ва амалга ошириш шу кундан бошланади.

Грантларни қайта кўриб чиқиш дастлаб февраль ойида бошланган, сўнгра Илoн Маск бошчилигидаги Ҳукумат самарадорлиги департаменти (DOGE) текширув ўтказиб, блокланадиган грантлар сонини оширди.

Бу дастурларнинг кўпчилиги Демократия, инсон ҳуқуқлари ва меҳнат масалалари бюроси (DRL) томонидан молиялаштирилган. Давлат департаментининг ички ёзувида DEI дастурлари солиқ тўловчилар маблағини самарасиз сарфлаш ва ҳукумат устуворликларига тўғри келмаслиги таъкидланган.

Ўзбекистондаги "фуқаролик иштироки", Молдовада "ОАВ барқарорлиги", Беларусда "дезинформацияга қарши кураш", Арманистонда "экологик барқарорлик" каби лойиҳалар молиялаштиришдан чиқарилди. Шунингдек, Британиядаги "медиа хилма-хиллиги" бўйича грантлар ҳам бекор қилинди.

Янгиликлар