Конгода кема ҳалокати: 148 киши ҳалок бўлди, 100 дан ортиғи бедарак

Конго Демократик Республикасининг шимоли-ғарбида содир бўлган кема ҳалокати ва ёнғин натижасида камида 148 киши ҳалок бўлди. Яна 100 дан ортиқ киши бедарак йўқолган. Бу ҳақда Associated Press агентлиги хабар тарқатди.

Маълум қилинишича, 16 апрель куни 500 га яқин йўловчини олиб кетаётган HB Kongolo кемасида ошхонада бошланган ёнғин сабабли фожиа юз берган. Кема Матанкум портидан Боломба шаҳрига қараб Конго дарёси бўйлаб ҳаракатланаётган эди.

Фожиа натижасида омон қолганларнинг кўпчилиги оғир куйиш жароҳатлари олган. Ҳозирда Конго ҳукумати ва Қизил Хоч ташкилоти бедарак йўқолганларни қидириш ишларини олиб бормоқда. «Замин»ни Telegram’да ўқинг!