"Tesla Diner"- у 24 соат фаолият юритадиган замонавий ошхона бўлиб, унда мижозларга егуликлар роликда ҳаракатланувчи официантлар томонидан олиб келинади. Яна бир ўзига хос жиҳат — попкорнни махсус робот тарқатади. Бу ҳақда Tesla компанияси ижтимоий тармоқларда маълум қилди, деб ёзмоқда Pravilamag.
Тез таомлар таклиф этиладиган ушбу ошхона 1950 йиллар Америка автомобили ва ретро-кинотеатрлар атмосферасини эсга солувчи интерьерга эга. Бургери, хот-дог, картошка-фри, қанотчалар, коктейллар ва сэндвичлардан иборат меню юқори технология билан уйғун ҳолда тақдим этилади.
Таъкидлаш жоизки, “Tesla Diner” нафақат овқатланиш жойи, балки электромобиллар учун замонавий зарядлаш маркази ҳам ҳисобланади. Шунингдек, ошхона ёнида очиқ осмон остида кинотеатр ҳам ташкил этилган.
Илон Маск ушбу лойиҳани юқори баҳолаб, бу маскан Лос-Анжелесдаги энг ажойиб жойлардан бирига айланганини таъкидлади. Унинг сўзларига кўра, жамоа бунга катта меҳнат билан эришган.
Айни пайтда Маскнинг xAI start-up'и ҳам фаолият олиб бормоқда. Яқинда компания аниме қиёфасидаги аватарлар яратувчи мутахассислар учун вакансия эълон қилди. Ушбу лавозим учун маош — йилига 440 минг долларгача.
«Замин»ни Telegram’да ўқинг!
