Хитойнинг Шаньси вилоятида полиция томонидан тарихий ёдгорликни бузишга уринган жуфтлик қўлга олинди. Улар минг йиллик тарихга эга бўлган Буюк Хитой деворининг оғир тошларини қирқиб, онлайн бозорда сотиш билан шуғулланган.
Pravilamag нашрининг хабар беришича, Линьфэнь шаҳри полицияси маркетплейсдаги шубҳали эълон орқали ушбу ишни фош этди. Эълонда: "Буюк Хитой деворининг ҳақиқий ғишти сотилади. Нархи — 95 юан (ўзбек сўмида тахминан 170 минг)" деб ёзилган.
Қонунчилар жиноят изига тушгач, улар қонунни бузган жуфтлик — Ван ва Чжэнни Бэйчжунхуан қишлоғида ушлашди. Улар XIV–XVII асрларда Мин сулоласи даврида қурилган деворнинг қадимий бўлакларини бузиб, сотиб юрган.
Маълумотларга кўра, жуфтлик аллақачон 100 дан зиёд девор тошларини турли харидорларга сотишга улгурган. Энг қизиғи, баъзи мижозлар сотиб олган тошлардан жуда мамнун бўлгани сабабли, яна бир неча дона буюртма беришни истаган.
Буюк деворнинг келиб чиқишига аёллар сабабчи бўлганми?
Эслатиб ўтамиз, илгарироқ олимлар олиб борган тадқиқотларга кўра, Буюк Хитой деворининг қурилишига хунну номли кўчманчи халқнинг ҳужумлари сабаб бўлган. Ушбу халқнинг армиясида эса аёл жангчилар муҳим ўрин тутадиган бўлган.
Юқоридаги ҳолат Хитойдаги тарихий ёдгорликларни муҳофаза қилиш борасидаги муаммоларга яна бир бор диққат қаратиш зарурлигини кўрсатмоқда. Бу нафақат Хитой, балки дунёдаги барча тарихий мерослар учун долзарб масала саналади.
«Замин»ни Telegram’да ўқинг!
