CNN тарқатган маълумотга кўра, YouTube АҚШ собиқ президенти Дональд Трамп билан бўлган суд даъвосини катта миқдордаги тўлов орқали якунлашга келишди. Трамп 2021 йил 6 январда содир бўлган воқеалардан кейин қатор ижтимоий тармоқларда, жумладан YouTube платформасида ҳам блокланган эди.
Маълумотларга кўра, компания Трамп томонидан қўллаб-қувватланадиган Trust for the National Mall нодавлат ташкилотига 22 миллион доллар ажратади. Бу ташкилот Вашингтондаги National Mall майдонини қайта тиклаш ва Оқ Уй ҳудудида махсус зал қурилишини қўллаб-қувватлайди. Шунингдек, YouTube яна 2,5 миллион долларни бошқа даъвогарларга, жумладан American Conservative Union ташкилотига тўлайди.
Эслатиб ўтамиз, YouTube Трамп судга берган учта йирик ижтимоий тармоқдан охиргиси бўлган. Аввалроқ Meta корпорацияси январь ойида 25 миллион доллар тўлаб, низони ҳал қилган, Twitter (ҳозирги X) эса феврал ойида 10 миллион долларлик келишувга эришган эди.
Ижтимоий тармоқлар Трампнинг айрим постлари зўравонликка чорлаши мумкинлигини билдириб, унинг аккаунтларини блоклаган бўлсалар-да, ҳозирда технологик компаниялар унга ва унинг тарафдорларига нисбатан нисбатан илиқроқ муносабатда бўлишмоқда.
Хусусан, Элон Маск Twitter’ни сотиб олгач, Трамп ҳисобини тиклади. Кейинчалик Meta ва YouTube ҳам шундай йўл тутди. Яқинда YouTube нотўғри маълумот тарқатгани учун блокланган айрим ҳисобларни қайта фаоллаштиришини эълон қилиб, консерватив фикрларга ҳурмат билан муносабатда бўлишини билдирди.
“Zamin”ни Telegram'да ўқинг!
