Мисрда кам учрайдиган ҳолат қайд этилди: бир аёл бир вақтнинг ўзида тўққиз болага ҳомиладор экани маълум бўлди. Бу ҳақда “Al-Arabiya” манбаси хабар берди.
УЗИ текшируви пайтида шифокорлар кутилмаган манзарага дуч келган — аёл қўшалоқ эмас, учлик ҳам эмас, балки тўққиз ҳомила кўтариб юргани аниқланган. Бу holat тиббиёт жамоасида катта муҳокамага сабаб бўлди.
Мутаҳассислар бундай ҳолат тухумдон фаолиятини рағбатлантирувчи дориларни назоратсиз қабул қилиш натижасида юзага келган бўлиши мумкинлигини айтишмоқда. Бундай ҳомиладорлик она учун ҳам, эмбрионлар учун ҳам жиддий хавф туғдириши қайд этилди.
Ҳодиса ота-онани ҳам, шифокорларни ҳам бирдай ларзага солган. Текширув пайтида чақалоқлар сони аниқланганда ҳамма hayратга тушган.
Гинеколог Воил ал-Баннонинг таъкидлашича, бу тиббиётда жуда ноёб учрайдиган ҳолатлардан бири бўлиб, унга кўп омиллар бир вақтда таъсир қилган. Унинг фикрича, замонавий усуллар ёрдамида эмбрионлар сонини камайтириш имкони бор — бу она саломатлигини муҳофаза қилиш ва қолган ҳомилалар ривожланиши учун муҳим.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
