Ишга сузиб бориш трендга айланди: Швейцарияда ноодатий ҳаёт тарзи
Швейсариянинг Берн ва Базел шаҳарларида баъзи аҳоли ёз ойларида кундалик юмушлар ва ишга бориш учун транспорт ўрнига дарёлардан фойдаланишмоқда. Фуқаролар бу жараёнда кийим-кечак, телефон ва ҳужжатларини махсус сув ўтказмайдиган сумкаларга жойлаб, оқим ёрдамида керакли манзилга сузиб бормоқда. Бернда Аре дарёси, Базелда эса Рейн дарёси қўлланиладиган мазкур одат мамлакатда ёзги турмуш тарзининг ажралмас қисмига айланган.
Швейцариянинг Берн ва Базел шаҳарларида айрим аҳоли ёз ойларида одатдагидан мутлақо бошқача усулни танлайди. Улар ишга бориш ёки кундалик юмушлардан қайтишда транспорт ўрнига дарёдан фойдаланади.
Ҳа, бу ҳақиқат! Баъзи фуқаролар дарёга тушиб, сув оқими ёрдамида керакли манзил сари йўл олади. Бернда бу мақсадда Аре дарёси, Базелда эса Рейн дарёсидан фойдаланилади.
Бундай “сузиб бориш”дан олдин одамлар ўз буюмларини махсус сув ўтказмайдиган сумкаларга жойлайди. Унга кийим-кечак, телефон, ҳужжатлар ва бошқа зарур нарсалар солинади. Натижада сувда ҳаракатланаётган пайтда ҳам буюмлари хавфсиз ва қуруқ ҳолда сақланади.
Манбаларга кўра, бу одат Швейцарияда ёзги турмуш тарзининг ажралмас қисмига айланган. Кўпчилик учун бу нафақат манзилга етиб олишнинг ноодатий усули, балки ҳордиқ чиқариш, дам олиш ва жазирамадан салқинлашишнинг ўзига хос йўли ҳисобланади.
Изоҳлар 0
…