Тожикистонда туризм солиғи жорий этилди: пул қаерга сарфланади?

1 дақиқа ўқиш200
Тожикистонда туризм солиғи жорий этилди: пул қаерга сарфланади?
ҚисқачаAI ёрдамида тайёрланганКўрсатиш
  • Тожикистон ҳукумати 2026 йил 1 июл куни Туризмни ривожлантириш фондини ташкил этиш ҳақида қарор қабул қилди.
  • Фонднинг асосий маблағлари Тожикистон фуқароларининг хорижга саёҳат учун олган туристик пакетлари қийматидан ундириладиган 5 фоизлик йиғим ҳамда хорижий сайёҳларнинг ҳар бир суткалик саёҳати учун тўловлар ҳисобидан шаклланади.

Тожикистонда туризм соҳасини қўллаб-қувватлаш ва уни ривожлантириш мақсадида махсус фонд ташкил этилди. Янги тузилманинг асосий молиялаштириш манбаларидан бири эса маҳаллий ва хорижий сайёҳлардан ундириладиган йиғимлар бўлади.

Фонд қачон ташкил этилди?

Тожикистон ҳукумати 2026 йил 1 июль куни Туризмни ривожлантириш фондини ташкил этиш ва унинг фаолиятини тартибга солиш бўйича қарор қабул қилди.

Фонд маблағларини бошқариш учун Молия вазирлигининг Марказий ғазначилик бош бошқармасида махсус ҳисоб рақами очилади. Унда жамланган маблағлар фонд кенгашининг қарорлари асосида сарфланади.

Туристик пакетдан 5 фоиз ундирилади

Янги тизимнинг энг кўп муҳокама қилинаётган жиҳати — фондни молиялаштириш учун турли туристик йиғимларнинг жорий этилиши.

Хусусан, Тожикистон фуқаролари хорижга саёҳат қилиш учун туристик пакет сотиб олганида, унинг қийматидан 5 фоиз миқдорида йиғим ундирилиши кўзда тутилган.

Бу маблағлар Тожикистонда туризм инфратузилмасини ривожлантиришга йўналтирилиши режалаштирилмоқда.

Хорижий сайёҳлар ҳам тўлайди

Фонд даромадлари фақат Тожикистон фуқароларидан олинадиган йиғимлар билан чекланмайди.

Молиялаштириш манбалари қаторига:

  • хорижий туристларнинг мамлакатдаги ҳар бир суткалик саёҳати учун ундириладиган йиғим;

  • туристик хизмат кўрсатишга рухсат берувчи ҳужжат учун йиғим;

  • йиғимларни тўлашдан бўйин товлаганлик учун жарималар;

  • депозитлардан олинадиган даромадлар;

  • халқаро молия ташкилотларининг грантлари;

  • мақсадли маблағлар киради.

Туризм учун янги молиявий механизм

Шундай қилиб, Тожикистон туризм соҳасини алоҳида фонд орқали молиялаштириш механизмини яратмоқда. Бироқ фуқароларнинг хорижга чиқиши учун туристик пакет қийматининг 5 фоизи миқдорида йиғим белгиланиши янги тизимнинг энг баҳсли жиҳатларидан бири бўлиб қолмоқда.

Фондда тўпланадиган маблағларнинг аниқ қайси лойиҳаларга йўналтирилиши эса фонд кенгаши қарорлари асосида белгиланади.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?