АҚШнинг халқаро такси хизмати Uber Британия поябзал ишлаб чиқарувчи Charlotte Olympia билан ҳамкорликни йўлга қўймоқда. Эндиликда Uber бренди остида аёллар поябзали савдо расталари пайдо бўлиши кутилмоқда, деб хабар беради Kun.uz нашри.
Компания баланд платформали олтин сандаллар ва Uber shoes бренди билан ишлаб чиқарилаётган баланд пошнали поябзалларни оммага намойиш этди.
Поябзал бор-йўғи 14 жуфт ишлаб чиқарилди ва фақат Лондоннинг Harvey Nichols Knightsbridge дўконида 15 ноябрга қадар сотилиши айтилмоқда. Дастлабки маълумотга кўра, унинг нархи 695 фунт стерлинг этиб белгиланган. Бир жуфт оёқ кийим сотиб олган харидорнинг Uber'даги ҳисоби автоматик тарзда 500 фунт стерлинг маблағ ўтказилади ва мижоз бу пулларни такси хизматидан фойдаланиш учун ишлатиши мумкин.
Эслатиб ўтамиз, Uber 2019 йилдан ўз дронларини ишлаб чиқариш ва 2021 йилдан уларни тижорат мақсадларида ишга туширишни режалаётгани ҳақида хабар берилганди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
