14:43 / 19.10.2020
1 755

Жапаров Қирғизистон президенти сайловида иштирок этиш учун шартини айтди

Жапаров Қирғизистон президенти сайловида иштирок этиш учун шартини айтди
Фото: РИА Новости
Қирғизистон президенти вазифасини бажарувчи Садир Жапаров агарда қонунчиликка ўзгартириш киритиладиган бўлса, президент сайловида иштирок этишга тайёрлигини айтди.

Ҳозирда қонунга кўра президент вазифасини бажарувчи шахс президентликка номзодини қўя олмайди.
"Ҳозирда парламентда парламент ва президент сайловлари тўғрисидаги қонунчиликка ўзгартиришлар тайёрланмоқда. Агарда қонунчиликдаги ўзгаришлар натижасида сайловда иштирок этишимга рухсат берилса, қатнашаман", - деди у "Россия 24" телеканалига берган интервьюсида.

Жапаровнинг сўзларига кўра, "бу ҳақда гапиришга ҳали эрта, ҳозирча бу борада қарор қабул қилинмади".
14 октябрь куни Қирғизистон парламенти Садир Жапаровни бош вазирликка тайинлади.

Сооронбай Жээнбеков 15 октябрь куни Қирғизистон президентлигидан истеъфога чиқди.

Президентнинг истеъфосидан кейин, Конституцияга кўра, давлат раҳбарининг барча мажбуриятлари парламент спикери Канат Исаевга ўтиши керак эди. У бу ваколатдан воз кечгач, президентлик ваколатлари Садир Жапаровга ўтди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)