Россиянинг «Вектор» вирусология ва биотехнология давлат илмий маркази мамлакатдаги коронавирусга қарши иккинчи вакцинани ишлаб чиқаришни бошлади. Meduza’нинг «РИА Новости»га таяниб хабар беришича, бу ҳақда «Роспотребнадзор» раҳбари Анна Попова маълум қилган.
«ЭпиВакКорона» Россиянинг коронавирусга қарши иккинчи вакцинасидир. Ушбу вакцина учун сентябрь ойи охирларида патент олинган. Вакцина мушак остига жўнатиладиган суспензия шаклида ишлаб чиқарилади.
Россияда патентланган ва рўйхатга олинган COVID-19’га қарши биринчи вакцина Гамалея номидаги эпидемиология ва микробиология маркази томонидан яратилган «Спутник-V» вакцинасидир. Яна бир вакцина клиник синовлардан ўтказилмоқда.
Анна Попованинг айтишича, «коронавирус инфекциясига қарши ҳар бир вакцина ўз мақсадли аудиториясига эга бўлади». Шифокорлар муайян беморга қайси вакцинани тайинлашни танлаши мумкин бўлади.
«Роспотребнадзор» маълумотларига кўра, вакцинада тирик вирус йўқ бўлиб, у синтезланган сунъий пептидлар ҳисобига иммунитетни шакллантиради. Идора маълумотларига кўра, мазкур дори воситаси юқори даражали хавфсиз ҳисобланади.
«ЭпиВакКорона»нинг кўнгиллилар иштирокидаги тадқиқоти 27 июль куни бошланган, 8 сентябрь куни стационардан синов иштирокчиларининг сўнгги гуруҳига жавоб берилган. Барча иштирокчиларда иммунитет шаклланган. Вакцина клиник синовларгача бўлган босқичда ҳам ўз самарадорлигини намоён этган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Damas учун онлайн контрактация очилади
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
АҚШнинг Суриядаги ҳарбий базасига ракеталар ҳужум қилди
Ўзбекистонда ўтган уч ойда қанча автомобиль ишлаб чиқарилган?
