Туркия COVID-19га қарши Россия вакцинасини сотиб олмаслик сабабини маълум қилди

^{Фото: «Rusdialog.ru»}
Туркия коронавирусга қарши Россия вакцинасини сотиб олмайди, чунки у тегишли лаборатория амалиётига мувофиқ эмас, деди республика Соғлиқни сақлаш вазирлиги раҳбари Фахреттин Кожа.

«Муаммо шундаки, Россия вакцинаси GLP (тегишли лаборатория амалиёти)га мос келмайди, шунинг учун у бизнинг эътиборимиздан четда қолди», — дея Кожа сўзларини келтирмоқда «Haberturk».

«Worldometers» маълумотларига кўра, Туркияда коронавирусга чалинганлар сони 893,630 кишига етди. 15,314 бемор ҳаётдан кўз юмди. 441,515 киши касалликдан фориғ бўлган. “Zamin”ни Telegram'да ўқинг!