Германиядаги бу уйда қачонлардир Владимир Путин оиласи билан 6 йил яшаган (фото)

1 дақиқа ўқиш3.6K
Германиядаги бу уйда қачонлардир Владимир Путин оиласи билан 6 йил яшаган (фото)
Фото: «Bild»
«Bild» нашри журналистлари қачонлардир Россиянинг ҳозирги президенти Владимир Путин Дрезден (Германия)да яшаган хонадонга киришга муваффақ бўлишди.

Кремль соҳиби 1985 йилнинг кузидан 1991 йилнинг мартигача Дрездендаги Радебергер штрассе (кўчаси)да жойлашган олти қаватли панел уйнинг 4-қаватидаги хонадонда хотини ва болалари билан яшаган. Путин ўша пайтларда КГБнинг Дрездендаги ходими эди.
Германиядаги бу уйда қачонлардир Владимир Путин оиласи билан 6 йил яшаган (фото)
Фото: «Bild»
66 квадрат метрли квартира — уч хонали, ошхонаси, санузели, балкон ва сақловхонаси бор. Хонадон марказий иситиш тизимига уланган, электр плита ўрнатилган.
Германиядаги бу уйда қачонлардир Владимир Путин оиласи билан 6 йил яшаган (фото)
Йорг Ҳофманн. Фото: «Bild»
1991 йил бошларида Путин собиқ Иттифоққа оиласи билан қайтгач, унинг ўрнига кўчиб кирган мебелсоз уста Йорг Ҳофманн ҳануз шу ерда умргузаронлик қилади.
Германиядаги бу уйда қачонлардир Владимир Путин оиласи билан 6 йил яшаган (фото)
Фото: «Bild»
Ўшанда Владимир Путиннинг рафиқаси Людмила квартира билан таништирганини Йорг Ҳофманн кечагидек эслайди. «Ҳаммаёққа қора рус мебели қўйилган, деворларга ГДРга хос алюминий обойлар ёпиштирилган, полга қаймоқранг гилам тўшалганди», — дейди Ҳофманн.
Германиядаги бу уйда қачонлардир Владимир Путин оиласи билан 6 йил яшаган (фото)
Владимир Путин қизчаси билан Дрездендаги хонадонида.
1991 йилнинг март ойида квартиранинг калитини янги ижарачига Владимир Путиннинг шахсан ўзи топширган. «Ўн ёки ўн икки нафарча рус аскари мебелларни тахлаб, ёғоч қутиларга жойлашганди. Айниқса, катта кир ювиш машинаси уларга даҳмаза бўлганди. Олтовлашиб пастга аранг олиб тушишганди», — эслайди Ҳоффман.

Йорг Ҳофманн ҳам ижара пулини худди Путин каби тўлаган: уй учун — 58,90 немис маркаси (DEM) ҳамда иссиқ сувга — 9,80, иссиқликка — 26,20, ойига жами — 94,90 немис маркаси.
Германиядаги бу уйда қачонлардир Владимир Путин оиласи билан 6 йил яшаган (фото)
Оддий немис (балки Путиннинг) ваннахонаси. Фото: «Bild»
Орадан салкам 30 йил ўтса ҳамки Йорг Ҳофманн Владимир Путиндан кейинги танҳо ижарачи эканидан қаноатланади. «Фақат баъзида рус сайёҳлари ўтирган автобуслар уй рўпарасида тўхтаб ўтиши асабимга тегади. Улар бу ерни Путиннинг уй-музейи деб ўйлашади, шекилли», — истеҳзоли кулади мебелчи.

Йорг Ҳофманн ҳали ҳеч бировни ўз хонадонига экскурсия уюштириш учун киритмаган. Ҳатто Путиннинг ашаддий рақиби Алексей Навальнийни ҳам. Ҳофманнинг айтишича, Рождество арафасида уй атрофида Навальний тансоқчиси билан айланишиб юрганини кўрибди. Мебелчининг гумонича, Навальний ҳужжатли фильм олаётган бўлган.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?