Португалияда дунёдаги энг узун пиёдалар осма кўприги очилди (фото, видео)

^{Фото: EPA}
Португалиянинг шимолидаги Арока шаҳридаги геология боғида Пайва дарёсидан 175 метр баландликда жойлашган дунёдаги энг узун пиёдалар осма кўприги очилди. Бу ҳақда Reuters хабар берди.

Маълумотларга кўра, 516 метр узунликдаги кўприкнинг қурилиши икки йилга яқин давом этди, лойиҳанинг қиймати 2,3 миллион еврони ташкил қилди.

^{Фото: EPA}
Таъкидланишича, осма кўприкнинг расмий очилиши 2 май кунига режалаштирилган, лекин маҳаллий аҳоли ундан фойдаланишни аллақачон бошлаб юборди.

^{Фото: EPA}
Ушбу кўприк ёрдамида ҳокимият коронавирус пандемияси сабабли катта зарар кўрган туризм соҳасини қайта жонлантиришни режалаштирмоқда.

People walk on the world's longest pedestrian suspension bridge '516 Arouca', now open for local residents in Arouca, Portugal.

?: Reuters/Violeta Santos Moura

READ: https://t.co/IcDf3sjn0x pic.twitter.com/JhEhE4h9Za

— Interaksyon (@interaksyon) April 30, 2021

Euro Weekly News нашрининг ёзишича, 6 ёшдан 17 ёшгача бўлган болалар, шунингдек, кексалар учун кўприкдан ўтиш чиптаси 10 евро, қолганлар учун 12 еврони ташкил қилади. Маҳаллий аҳоли кўприкдан бепул фойдаланади.

The world's longest pedestrian bridge, 1,693-feet long, opened in northern Portugal above the River Paiva https://t.co/4QaN9FEZyz pic.twitter.com/TKYLNOncEn

— Reuters India (@ReutersIndia) April 30, 2021

Мълумот учун, Пайвадаги мазкур осма кўприк Швейцариянинг Алп тоғларида қурилган Чарльз Куонен кўпригининг (494 метр) рекордини янгилади.
“Замин” янгиликларини “Инстаграм”да кузатиб боринг