Россиядаги университетда отишма бўлди

Россиядаги Перм давлат университети яқинида бугун, 20 сентябр куни отишма қайд этилган. Воқеа гувоҳларининг сўзларига кўра, ўқувчилар таълим муассасасининг деразаларидан сакрашган, деб ёзади «РИА».

Ҳодиса оқибатида ҳалок бўлганлар сони аниқ эмас. Вазият гувоҳлари Интернетда қуролланган номаълум шахс қандай қилиб муассасага киргани ва ўқ узгани тасвирланган видеони жойлаштирган.

Бирламчи тахминларга кўра, отишмани 18 ёшли Темур Бекмансуров уюштирган. У ўзининг ВКонтакте саҳифасида бу ҳақда ёзган. Гумонланувчи аввал ўзи ўқиган мактабга ҳужум қилмоқчи бўлган, аммо кейин қарорини ўзгартирган.

Айни пайтда Темур ушланган. Отишма оқибатида 10 дан ортиқ одам жароҳатлангани айтилмоқда. «Замин»ни Telegram’да ўқинг!