Атиргул – сайёрамизнинг энг мафтункор, энг машҳур ва севимли гулларидан биридир. У нафақат гўзаллик рамзи, балки муҳаббат, самимият ва романтик ҳис-туйғуларнинг тимсоли сифатида ҳам қабул қилинади. Табассум улашадиган гуллар маликаси ҳақидаги қуйидаги маълумотлар сизга албатта манзур бўлади.
1. Атиргул – бир нечта давлатларнинг миллий рамзи
Ушбу гўзал гул АҚШ, Эрон ва Буюк Британиянинг расмий миллий гули ҳисобланади. Бу гул нафақат боғлар ва гулдесталарни безайди, балки халқнинг миллий ифтихорига ҳам айланган.
2. Атиргул мойи – ер юзидаги энг қиммат суюқликлардан
Табиий атиргул мойини тайёрлаш жуда мураккаб жараён. Бир килограмм мой олиш учун тахминан 3 тонна гул барги керак бўлади. Ушбу мой нархи олтин ва платинадан ҳам юқори баҳоланади.
3. 14 февраль – атиргуллар байрами!
Севишганлар куни дунё бўйлаб энг кўп атиргул сотиладиган сана ҳисобланади. Бу куни тахминан 3 миллион дона атиргул харид қилинади. Ушбу гуллар муҳаббат, меҳр ва изҳор тимсоли сифатида тақдим этилади.
4. Атиргул ҳиди руҳий сокинлик беради
Унинг ёқимли ва табиий ҳиди инсонни хотиржамликка чорлайди, кайфиятни кўтаради ва мусбат туйғулар уйғотади. Шу боис уни хушбўй тутатқи сифатида ҳам ишлатишади.
5. Шекспирнинг илҳом манбаи – атиргул
Атоқли драматург Уильям Шекспир ўз асарларида атиргул ҳақида 50 мартадан ортиқ ёзган. Унинг шарафига махсус гул навлари ҳам яратилган.
6. Дунёдаги энг кичик атиргул гуруч донасичалик
“С” навли атиргул гуруч донасидан ҳам кичик бўлиб, ўта нозик ва ажойиб кўринишга эга.
7. Энг қадимий атиргул Германияда 1000 йилдан бери яшаб келади
Хилдесхаймдаги собор деворига ёпишиб ўсган бу атиргулга тахминан бир минг йил бўлган. У урушда вайрон бўлган, лекин илдиздан яна яшнаб чиққан.
8. Ёввойи атиргул меваларида С витамини кўп
Ёввойи гул меваларида лимондан ҳам кўпроқ С витамини мавжуд. Унинг шарбати иммун тизимини мустаҳкамлашга ёрдам беради.
9. Россияда атиргул модаси 16-асрдан бошланган
Бу гўзал гул билан боғларни безашни Пётр I ва Екатерина II бошлаб берган. У замондан буён атиргул рус маданиятида муҳим ўринга эга.
10. Япониянинг “Хамелеон” атиргуллари ранг алмаштиради
Бу гулнинг гажлари эрталаб қизил, кечқурун эса оқ тусга киради. Ушбу ранг алмашиши табиатдаги энг гўзал ҳодисалардан бири ҳисобланади.
Атиргул – гўзаллик, муҳаббат ва ҳаёт саодатининг тимсолидир. У нафақат кўзни, балки қалбни ҳам юпатади. Агар сиз ҳам атиргулни яхши кўрсангиз, энди унга янада чуқурроқ муҳаббат билан боқасиз, шубҳасиз. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
