Бамия — қадим замонлардан шифобахш хусусиятлари билан маълум бўлган сабзавот ҳисобланади. У тропик ва субтропик ҳудудларда ўсади, айниқса Нил водийси ва Ҳиндистонда илк бор етиштирилган. Унинг узун, юлдузсимон кўриниши ва ўзига хос таъми туфайли кўпчилик рационида алоҳида ўрин эгаллайди.
Бамия сув ва толаларга бой бўлиб, организмни токсинлардан тозалайди, ҳазм жараёнини яхшилайди. У иммунитетни кучайтиради, ичак фаолиятини рағбатлантиради. Шунингдек, бамия юрак-қон томир тизимига ижобий таъсир қилади, холестеринни туширади.
Қандли диабетда қондаги шакар миқдорини барқарорлаштиришда ёрдам беради. Бундан ташқари, у кўз саломатлиги, тери соғломлиги ва тана оғирлигини назорат қилишда ҳам фойдали.
Ҳомиладор аёллар учун фолий кислотаси манбаи бўлиб, бола ривожи учун муҳим ҳисобланади. Халқ табобатида у кўп касалликларга қарши ўсимлик дори сифатида ишлатилади.
Бамия — табиий шифо манбаи. Ундан фойдаланиш соғлом ҳаёт сари муҳим қадам ҳисобланади.
«Замин»ни Telegram’да ўқинг!
