Совуқ мавсум бошланиши билан ёнғинлар ва бошқа фавқулодда ҳолатлар хавфи ортиши мумкин. Шу муносабат билан Тошкент шаҳар Фавқулодда вазиятлар бошқармаси мутахассислари турар жойларда ва иш объектларида оддий, аммо ҳаётий муҳим қоидаларга риоя қилиш зарурлигини таъкидламоқда.
Ёнғинлар ва бошқа фавқулодда ҳолатларнинг олдини олиш учун қуйидаги оддий, аммо муҳим қоидаларга амал қилиш тавсия этилади: • Дудбуронларни текширинг — уларнинг тоза, тўсилмаган ва ишлаш ҳолатида эканлигига ишонч ҳосил қилинг. • Газ жиҳозларини назорат қилинг — плиталар, қозонлар ва бошқа жиҳозларни текшириш ва носозликларни бартараф этиш учун туман газ хизматлари мутахассисларини чақиринг.
• Электр симларини текширинг — тармоқни ортиқча юкланманг, қувватли қурилмаларни биргина узатма орқали уламанг. • Уй ёки иш жойини тарк этаётганда барча электр жиҳозларини ўчиринг.
Агар газ сизиб чиқаётгани ҳақида энг кичик шубҳа пайдо бўлса, ёруғлик чироқларини ёки учқун чиқариши мумкин бўлган қурилмаларни ишлатиш қатъиян ман этилади. Зудлик билан хонани шамоллатиш, дераза ва эшикларни очиш ҳамда ягона 112 рақамига мурожаат қилиш лозим.
Ушбу қоидаларга амал қилиш бахтсиз ҳодисалар олдини олишга ва сиз ҳамда яқинларингиз ҳаётини сақлаб қолишга ёрдам беради.
