Олимлар аниқлашича, инсон мияси танадаги энг энергия талаб қилувчи аъзолардан бири ҳисобланади, у жами калориянинг 20 фоизини сарфлайди. Бунинг ўзидаги қизиқарли факт — ушбу энергиянинг деярли ярми кўриш тизимининг фаолиятига сарфланади. Олимлар ўз тадқиқотларида, мияга кўриш тизими орқали келган визуал сигналларнинг қандай “энергия нархи” борлигини аниқлашган. Одатда, содда тасвирлар, масалан, бўш оқ хона осонлик билан қабул қилинади, аммо улар тезда зериктириши мумкин. Мураккаб ва чуқур мазмунга эга тасвирлар эса кўпроқ метаболик харажатлар талаб қилади ва инсонни чалғитишга сабаб бўлиши мумкин.
Тадқиқотчилар, эстетик афзалликлар инсоннинг энергияни тежашга ҳаракат қилишидан келиб чиққан бўлиши мумкинлигини фараз қилган. Ушбу гипотезани текшириш учун компьютер моделлари ва 4914 та тасвирдан фойдаланиб, визуал контентнинг энергия талабларини баҳолашган. Шундан кейин, 1118 киши иштирокидаги тасвирларни жозибадорлик баҳолари билан натижаларни таққосланган.
Тадқиқотдан олинган натижаларга кўра, одамлар кам энергия талаб қиладиган тасвирларни кўпроқ ёқтиради. Ушбу тадқиқот, бизнинг эстетик танловларимиз яширин энергия тежаш стратегиясининг кўриниши бўлиши мумкинлигини кўрсатади.
Жозибадор тасвирлар: Миянинг энергия талабини камайтириш усули
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
