Нега тунда оёқ оғрийди? Мушаклар спазмининг сабаблари

^{Фото: Pinterest}
Ярим тунда оёқлардаги оғриқ туфайли уйғонадиган кишилар кўпчиликни ташкил этади: катталарнинг қарийб 60 фоизи бундай муаммоларга дуч келади. Қизиғи шундаки, шу пайтгача шифокорлар нима сабабдан мускуллар таранглашиши ва оғриқ келтириб чиқиши борасидаги саволга аниқ жавоб бера олмаяпти. Аммо бир нечта сабаблар маълум ва кўп ҳолларда вазиятни енгиллаштириш мумкин.

Ортиқча зўриқиш
Мушакларни мунтазам ишлатиш яхши натижа беради. Лекин ортиқча зўриқтириш замонавий турмуш тарзига мос келмайди, шунинг учун ҳам тунда оғриқлар юзага келади.

Ноқулай ҳолатда ухлаш
Масалан, қорин ва юзни ерга бериб ётишда мушаклар ноқулай ҳолатда бўлади, ҳатто енгил ҳаракат ҳам қийинчилик туғдиради. Шунинг учун ён томонга қараб ухлаш яхшироқдир.

Мавсум алмашиши
Қизиғи шундаки, оёқлар қишга қараганда ёзда тез-тез оғрийди. Сабаби ёз фаслида асаб тугунлари фаоллашади ва D витамини миқдори ошади.

Сувсизланиш
Ёзда кечаси мушакларнинг спазмига олиб келиши мумкин бўлган яна бир сабаб сувсизланишдир. Чунки организм терлаб, кўпроқ сув йўқотади.

Жуда фаол машғулотлар
Оғир машқлар ҳам оёқ оғриғи билан боғлиқ. Мушаклар ҳаддан ташқари чарчайди ва зўриқади. Кўпинча профессионал спортчилар бундан азият чекади.

Микроэлементларнинг етишмаслиги
Мушаклар оғриғида кальций, магний ва калий етишмаслиги катта роль ўйнайди. Бу элементлар сув-туз мувозанатини сақлайди ва тананинг яхши ишлашига ёрдам беради.

Дори-дармонларни қабул қилиш
Баъзи диуретик ва анемияга қарши дорилар мушакларнинг спазмига олиб келиши мумкин.

Ҳомиладорлик
Ҳомиладорлик аёлнинг қон айланиши ва асаб тизимига таъсир қилади ва оёқларида оғриқни келтириб чиқаради.

Касалликлар
Қандли диабет, тушкунлик ва умуртқа касалликлари бошқа аломатлар қаторида оёқ оғриғига сабаб бўлади. “Замин” янгиликларини “Инстаграм”да кузатиб боринг