Доллар курси 2002 йилдан бери биринчи марта евро курсидан ошиб кетди

^{Фото: Reuters}
Forex Capital Markets маълумотларига кўра, 1 доллар 2002 йилдан бери биринчи марта 1 евродан қимматроқ бўлмоқда. Евро 2002 йил декабридан бери биринчи марта 1 доллар даражасидан пастга тушди.

Бунга ягона валюта ҳудуди — Европа иттфиоқи учун иқтисодий истиқболнинг ёмонлашуви ва Россия газни етказиб беришни тўлиқ тўхтатиб қўйиш эҳтимоли сабаб бўлмоқда.

Расмий маълумотларга кўра, июнь ойида АҚШ инфляцияси кескин ошганидан сўнг евро курси 0,9998 долларгача тушиб кетди.

Узоқ вақт давомида Америка ва Европа валюталари ўртасидаги тафовут анчагина катта эди.

Россияга қарши санкциялар Европа Иттифоқи иқтисодиётига ҳалокатли зарба берди.

Бунинг оқибатида Европа валютаси долларга нисбатан доимий равишда пасайиб бормоқда.

Февраль ойида 1 евро 1,15 долларга баҳолангани ҳисобга олинса, евронинг пасайиш спирали кескин ва шафқатсиз тус олди. “Замин” янгиликларини “Инстаграм”да кузатиб боринг