Энг кам иш ҳақини белгилаш тартиби қайта кўриб чиқилади

Ўзбекистонда энг кам иш ҳақи белгилаш тартибини қайта кўриб чиқиш лозим. Бу ҳақда Ўзбекистон Республикаси Президенти Шавкат Мирзиёев парламентга навбатдаги Мурожаатномаси вақтида маълум қилинди.

"Энг кам иш ҳақи белгилаш тартибини қайта кўриб чиқиш керак. Солиқ ва бошқа тўловларни энг кам иш ҳақига боғлиқ бўлиши нотўғри. Бу бутунлай нотўғри тизим. Шунинг учун, Вазирлар Маҳкамаси икки ой муддатда бу тизимни қайта кўриб чиқиш бўйича комплекс чора-тадбирлар ишлаб чиқиши керак бўлади.

Бундан ташқари, пенсияни ҳисоб-китоб қилиш учун иш ҳақининг максимал миқдори энг кам ойлик иш ҳақининг саккиз баробаридан ўн баробаригача оширилди. Келгусида ривожланишимиз бир маромда бўлса, бу чекловларни бутунлай бекор қилишни мақсад қилганмиз", дея гапириб ўтди Президент. «Замин»ни Telegram’да ўқинг!