Ўзбекистонда саргузашт туризмига оид давлат стандарти ишлаб чиқилди

Ўзбекистонда саргузашт туризмига оид давлат стандарти қабул қилинди. Бу ҳақда Маданият ва туризм вазирлиги хабар берди.

Маълум қилинишича, “Туризм хизматларини сертификатлаш маркази” ДУК қошидаги СТҚ 4 “Туризм ва маданий мерос” стандартлаштириш бўйича техник қўмита томонидан “Саргузашт туризми. Хавфсизликни бошқариш тизимлари. Талаблар” давлат стандарти ишлаб чиқилди.

Мазкур давлат стандарти Ўзбекистон техник жиҳатдан тартибга солиш агентлигининг 2023 йил 18 январдаги буйруғи билан қабул қилинди.

Ушбу стандарт саргузашт туризми фаолияти провайдерлари учун хавфсизликни бошқариш тизимининг талабларини белгилайди. Провайдер ушбу стандартдан қуйидагилар учун фойдаланиши мумкин:

- хавфсизлик самарадорлигини ошириш;
- иштирокчилар ва ходимлар хавфсизлигига нисбатан кутилмаларни оқлаш;
- хавфсиз амалиётни кўрсатиш;
- амалдаги қонунчилик талабларига мувофиқлигини қўллаб-қувватлаш.

Ушбу стандарт ҳар хил географик, маданий ва ижтимоий муҳитда ишлайдиган барча турдаги ва ўлчамдаги провайдерлар томонидан қўлланиши мумкин.

Standart 2023 йил 18 апрелдан амалга жорий этилади. “Замин” янгиликларини “Одноклассники”да кузатиб боринг