Бугун, 25 сентябр куни Тошкент шаҳар Сергели туманида Nexia-1 русумли автомашина йўл четидаги автобус бекатига тўқнашди. Бу ҳақда пойтахт Йўл ҳаракати хавфсизлиги бошқармаси хабар берди.
Маълум қилишларича, соат тахминан 15:00 ларда Сергели тумани Янги Сергели кўчасида ҳаракатланаётган 1999 йилда туғилган ҳайдовчи Ю.М. Nexia-1 автомобил руль бошқарувини йўқотган. Натижада машина йўл четидаги автобус бекатига кириб, йўл-транспорт ҳодисаси содир бўлган.
Ҳодиса оқибатида тан жароҳати олганлар йўқлиги маълум қилинди. Шунингдек, мазкур ҳолат юзасидан Тошкент шаҳар ИИББ ЙҲХБ томонидан тафсилотли суриштирув ишлари олиб борилмоқда.
Йўл-транспорт ҳодисаси Сергелининг фаол ҳаракатчан маҳалла йўлларида ҳайдовчиларнинг эҳтиёткорлиги ва йўл ҳаракати қоидаларига қатъий риоя қилишнинг аҳамиятини яна бир бор кўрсатди.
«Замин»ни Telegram’да ўқинг!
