2025 йил 3 октябрь куни тонгда Қашқадарё вилояти Нишон туманида йўл-транспорт ҳодисаси юз берди. Ҳодиса оқибатида “Ҳудудгаз Қашқадарё” газ таъминоти Нишон филиали раҳбари ҳаётдан кўз юмди. Воқеа тунги соатларда содир бўлган ва пахта штабидан қайтиб келаётган машина йўл ёқасидаги зовурга тушиб кетгани ҳақида хабарлар тарқалди. Воқеадан хабардор манба марҳумнинг жасади тонггача шу ерда қолганини айтди.
“Дарё” журналистининг сўровига жавоб берган “Ҳудудгаз Қашқадарё” филиали ахборот хизмати Нишон филиали раҳбари вафоти ҳақида тасдиқлади ва таъзия билдирди. Бироқ, улар марҳумнинг ўлиги зовурда топилгани ва пахта штабидан қайтиб келаётгани ҳақидаги хабарларни рад этди. Таъкидланишича, марҳум ҳодиса вақтида транспорт воситасида йўловчи сифатида ҳаракатланган.
Вилоят газ филиали вакили “Автомобильда йўловчи сифатида кетаётган экан. Воқеа воқеан ҳам тунги пайтда содир бўлган” деб маълум қилди.
Қашқадарё вилоят ИИБ ЙҲХБ ахборот хизмати ҳам “Дарё”га маълум қилишича, Нишон тумангаз таъминоти корхонаси раҳбари ўлимига сабаб бўлган ЙТҲ 3 октябрь куни тонгда содир бўлган. ЙТҲнинг икки иштирокчиси бўлган: улардан бири шифохонада вафот этган, бири тирик қолган.
Ҳодиса ҳақидаги маълумотларга кўра, ЙТҲнинг иккинчи иштирокчиси Нишон туман Кадастр агентлиги туман бўлими ходими бўлгани маълум қилинган. Бу фожиали воқеа маҳаллий аҳоли орасида чуқур ғам ва ҳайрат туғдирди.
“Zamin”ни Telegram'да ўқинг!
