Бугун, 4 ноябрь куни Тошкент шаҳрининг Янгиҳаёт туманидаги ишлаб чиқариш цехида ёнғин келиб чиқди, деб хабар берди шаҳар Фавқулодда вазиятлар бошқармаси.
Маълумотларга кўра, соат 11:58 да 112 хизматига Бинокор қўрғонидаги Шоликор кўчасида жойлашган пенопласт ишлаб чиқариш цехида ёнғин бошлангани ҳақида мурожаат тушган.
Фавқулодда вазиятлар хизматлари хабарни олгач, 10 дақиқа ичида — соат 12:08 да — воқеа жойига етиб борган. Ҳозирда ёнғинни ўчириш ишлари давом этмоқда.
Расмий маълумотга кўра, ҳозирча жабрланувчилар ёки тан жароҳати олганлар тўғрисида маълумот келиб тушмаган. Вазирлик қўшимча маълумотларни кейинроқ тақдим этишини маълум қилди.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
