Сурхондарё вилоятининг Қумқўғон туманида мактаб директори лавозимидан бўшатилган ўқитувчи ўзини ёқиб юбормоқчи бўлди, деб хабар берди Мактабгача ва мактаб таълими бошқармаси.
Ижтимоий тармоқларда тарқалган видеода Арпапоя маҳалласидаги 39-сон мактабнинг собиқ директори З.А.нинг шовқинли ҳаракатлари акс этган. Маълумотларга кўра, у 2010 йилдан 2025 йил 16 сентябргача директор сифатида фаолият юритган.
Бошқарманинг 16 сентябрдаги буйруғига асосан, меҳнат шартномаси Меҳнат кодексининг 157-моддасига мувофиқ бекор қилинган.
Шундан сўнг З.А. янги директор тайинланишига қарши чиқиб, 13 октябрь куни тайинлов ҳужжатлари топширилаётганда фаол қаршилик кўрсатган. Баxtга кўра, ҳодиса чоғида ҳеч ким жароҳат олмаган.
Ҳозирда 39-сон мактаб раҳбарлигига Э.А. тайинланган ва ўқув жараёни одатдаги тарзда давом этмоқда.
“Zamin”ни Telegram'да ўқинг!
