Тошкент вилоятининг Паркент туманида юк автомобили юқори босимли газ қувурини уриб юборди, деб хабар берди Энергетика вазирлиги.
Маълумотларга кўра, ҳодиса натижасида газ сизиб чиқиш ҳолати юз берган ва хавфсизликни таъминлаш мақсадида “Ёшлик”, “Марказий”, “Гулистон” ҳамда “Оқ тепа” маҳаллаларидаги 2400 дан ортиқ хонадон ҳамда 50 га яқин ишлаб чиқариш объектида табиий газ таъминоти вақтинча тўхтатилган.
Ҳозирда туман газ таъминоти бўлими авария хизматлари таъмирлаш ишларини олиб бормоқда. Мутахассислар маълум қилишича, носозлик бартараф этилгандан сўнг газ таъминоти тўлиқ тикланади.
Мутасаддилар аҳолидан вақтинчалик ноқулайлик учун узр сўраб, хавфсизлик чораларига амал қилишни сўрамоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
