Қашқадарёда бир ота ўзининг алимент мажбуриятини ноодатий тарзда адо этди — у фарзанди учун белгиланган тўлов ўрнига ундирувчига 6 сотихли ҳовлини расман topshirdi.
Маълумотларга кўра, Косон туманлараро суди қарздордан фарзанди балогат ёшига етгунча моддий таъминотни таъминлашни белгилаган эди. Аммо тўловлар ўз вақтида амалга оширилмагани сабабли қарздорлик миқдори 9 миллион сўмгача ортди.
Мажбурий ижро бюроси ходимлари олиб борган чора-тадбирлардан сўнг, ота қонуний мажбуриятини бажариш зарурлигини тан олди ва вазиятга инсонпарварлик билан ёндашди.
Шу тариқа, 11 ноябрь куни Н.Қўзибоев алимент ўрнига фарзандининг манфаати учун ўзининг 6 сотихли уй-жойини беришга қарор қилди. Ҳужжатлар расмийлаштирилиб, ижро иши тўлиқ якунланди.
Мутахассислар таъкидлашича, бу ҳолат қонундаги мажбуриятни бажариш билан бирга, ота томонидан фарзандига нисбатан масъулиятли муносабатнинг намунаси бўлди.
“Zamin”ни Telegram'да ўқинг!
