Тошкентда кўп муҳокама қилинган ҳовли фирибгарлиги иши бўйича суд ҳукми чиқарилди, деб хабар берди zamin.uz. Мирзо Улуғбек туман судида 1997 йилда туғилган Ш.Р.га нисбатан жиноят иши якунига етказилди.
Суд қарорига кўра, у Жиноят кодексининг 168-моддаси 4-қисми “а” банди — йирик миқдордаги фирибгарликда айбли деб топилиб, 9 йилга озодликдан маҳрум этилди. Жазо умумий тартибдаги колонияда ўталади.
Шу билан бирга, суд Ш.Р.дан жабрланувчилар фойдасига умумий ҳисобда қарийб 4,8 миллиард сўм зарар ундирилишини белгилади. Уйни олиш бўйича олди-сотди шартномаларини бекор қилиш масаласи эса фуқаролик тартибида кўрилиши кераклиги айтиб ўтилди.
Суд, шунингдек, ишда бошқа шахсларга нисбатан ҳам жиноий иш қўзғатиш масаласини прокуратурага юбориш ҳақида алоҳида ажрим чиқарди.
Нима бўлган эди?
2024 йил август ойида Ш.Р. тўйдан олдинги “муаммоларини ҳал қилиш” баҳонасида 1999 йилда туғилган қизнинг ишончини suiiste’mol қилган. Уйсиз қолишдан қўрқиб турган қизга уйни вақтинча гаровга қўйиш кераклигини айтган, кейин эса ундан фойдаланиб, ҳовлини блогер ва тадбиркор Санжар Каримовга (Санжик) 240 минг долларга сотиб юборган.
Мазкур можаро жамоатчиликда катта резонанс келтирган ва Санжик ушбу уйни болалар уйига эҳсон қилишини айтган эди. Бироқ ҳужжатлар тўлиқ расмийлашмагани маълум қилинган.
Тергов жараёни давомида Ш.Р.нинг бошқа фуқароларга нисбатан ҳам бир қанча фирибгарлик ҳолатларига алоқадорлиги аниқланган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
