Тошкент марказида кеча кечқурун юз берган йўл-транспорт ҳодисаси кўҳна шаҳар аҳли ўртасида катта хавотир уйғотди. Абдулла Қодирий кўчасида юқори тезликда ҳаракатланган BMW автомобиль қарама-қарши йўналишга чиқиб кетиб, Tracker билан қаттиқ зарбда тўқнашди.
Шиддатли зарба оқибатида бир неча киши жароҳат олди. Ижтимоий тармоқларда тарқалган даъволарга кўра, бир нафар қизнинг ҳаётини сақлаб қолишнинг иложи бўлмаган. Қолган йўловчилар ва ҳайдовчилар шифохонага олиб кетилгани айтилмоқда.
Шундан сўнг Тошкент шаҳар ИИББ расмий баёнот берди. Маълум қилинишича, ҳодиса бўйича терговга қадар текширув бошланган, жабрланганларга зарур тиббий ёрдам кўрсатилмоқда. Ҳолатнинг барча деталлари ўрганилиб, расмий маълумот қўшимча суриштирувлардан кейин эълон қилинади.
Айни пайтда мутахассислар ҳодисага олиб келган сабабларни, шунингдек, ҳар икки автомобиль ҳайдовчисининг ҳаракат тарзини ўрганмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
