Фарғона вилоятида ўтказилган профилактик чора-тадбирлар давомида қимматлиги 7 миллиард сўмдан ошган гиёҳванд моддалар қўлга олинди. Бу ҳақда вилоят Ички ишлар бошқармаси маълум қилди.
Маълумотларга кўра, ноябрь ойи мобайнида “Хавфсиз ва соғлом юрт” дастури доирасида ИИБ, ДХХ ва бошқа ҳуқуқни муҳофаза қилиш идоралари ҳамкорлигида йирик миқёсдаги тезкор рейдлар ташкил этилди. Тадбирлар натижасида 30 килограммдан зиёд, тахминан 60 минг дозадан иборат гиёҳвандлик моддалари ҳамда 17 мингдан ортиқ кучли таъсир этувчи дори воситалари айланмадан олиб ташланди.
Ҳуқуқни муҳофаза қилувчи идоралар ҳисоб-китобига кўра, ушбу моддалар фуқаролар орасида 20 мингга яқин заҳарланиш ҳолатига сабаб бўлиши мумкин эди. Ўтказилган рейдлар эса бу хавфнинг олдини олиб, вилоятдаги жамоат хавфсизлигини мустаҳкамлашга хизмат қилди.
Тегишли идоралар томонидан ҳодиса юзасидан қўшимча суриштирув ишлари олиб борилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
